| تبليغات | X |
 |
 |
|
| اوزگور قوشغولار وئبلاگینا خوش گلیبسیز |
|
بیرگون آخشام تئلوئزیونی آچاندا گؤردوم یازیب باریش قالیب هاچاندا تفنگ گؤردوم گوللهسی اوت ساچاندا ایگید گؤردوم گولله یه تای قاچاندا قیییر ندهن کیم ویجدانا کیم جانا یازیق اولسون اینسانلیغا اینسانا
بیر ائل گؤردوم گونو گوندن قارالی آنا گؤردوم کورپهلری یارالی اووچو گؤردوم سویوردیری مارالی اینسان آدلی اینسانلیقدان آرالی بس نهگلیب اینسانداکی ویجدانا یازیق اولسون اینسانلیغا اینسانا
ایزین وئرین گؤردویومو هایقیریم دیلیمدهکی کلبچهنی قوی قیریم داغدا وورور شلالهنی ایلدیریم کافیر ائدیر مسلمانی سویقیریم قان تؤکولور قاراباغا لبنانا یازیق اولسون اینسانلیغااینسانا
قارداشلارین قانی یئره جالاندی اؤلولری بیر بیراوسته قالاندی آرخاسیزین قانی یئرده قالاندی؟ اینسان دئییل گؤردویونو کیم دانا یازیق اولسون اینسانلیغا اینسانا
باریشچییام نسیمینین اوغلویام ساواش اودون سوندورهجک بیرسویام محالدیرکی آل قانیلا اَل یویام دییشمهرهم اؤزلوگومو من بویام یازیق اولسون نسیمی نی سویانا یازیق اولسون اینسانلیغا اینسانا
ساواشچییام باکیرییم بابکم قوچاق نبی کوراوغلویام من تکم ستارخانام باقیرخانام اَرککم یارانمیشام ائل قایغیسین من چکم دیل قانمایان بلهشجک آل قانا یازیق اولسون اینسانلیغا اینسانا
Ozgur 87 urmu |
|
+ yazılıŞ
شنبه شانزدهم اردیبهشت 1391Saat 23:49 ozgur اوزگور |
|
|
سنسن ائلین شرف شانی تاریخ آلقیش دئمیش سنه اؤزلوگونو یاخشی تانی خاطیرلاسان ناموس اوچون گلین سارای وئردیجانی هجرآنام توفنگ آلیب پئشمان ائتدی خورباخانی زئینب خاتین بیرکیشی تک یاردیم ائتدی ستارخانی بیلگه خاتین تورک آناسی دوغدو اوغوز تک اوغلانی ارسالانلار ناموس اوچون قوربان ائتدی جانی قانی سیزلر بونا دَیَروئرین دوشوندورون دؤرد بیریانی ساتقینلیقدان کولتور اولماز ساتقیندان سور کؤکون هانی سونراسیدا سویلو ایگید سئوهبیلمز سوی ساتانی تورک ایگیدی یانلیزسئوَر شرف بیلن عار قانانی آرتیق دؤنون اؤزلوگوزه سئویندیرین ائل اوبانی قئیرتلی بیر یاشام سئچین لال ائیلهیین شریاخانی
|
|
|
+ yazılıŞ
جمعه یکم مهر 1390Saat 11:48 ozgur اوزگور |
|
|
اینسان اولان اؤزلوگونو دانارمی؟ اؤزگه دیلی اؤز دیلینه جالارمی؟ قنیملرین حوققاسینا قانارمی ؟ اؤز باشینی اؤزگه داشا چالارمی؟ یاندیردیغی اودا اؤزگه یانمیا سؤزدانیشیب دانیشدیغین دانمییا اَر دوغولان توپوردوغون یالارمی؟
ایگید اودور اَیری دوزو قاتمییا ظولمو گوروب گؤزون یوموب یاتمییا گئتسه باشی ویجدانینی ساتمیا اَردوغولان اؤزون اوزدن سالارمی
گر ایگیدین گؤکسونه میناوخ دولا ساواش گؤرسه دونمز آیری بیر یولا او تولکودور گونده دالار بیر کولا اَسلان اولان دالدالارا دالارمی؟
بیزیم ائلده ایگید امک ایتیرمز ائل یاراسین یاد علاجی بیتیرمز ائل تانییان ائله ضرر یئتیرمز ائلدار اولان ائل اوباسین تالارمی؟
بیزیم ائله شرف گرهک شان گرهک اَر اوغلانا دامار گرهک قان گرهک ائل یولوندا ساواش گرَک جان گرَک ائلین ساتان بایراقاَله الارمی؟
یاخشی آددان باشقا نه وار هوسدیر دونیا بوتون آلتین اولسا قفسدیر اؤزگور اولان قفسلرده قالارمی؟
|
||
|
+ yazılıŞ
جمعه یکم مهر 1390Saat 11:28 ozgur اوزگور |
|
|
نیسگیللی( زولا) زولا جان دردین آلیم یاردیم ائله گؤز یاشیم آخدی سنه دؤندو سئله من سنین سیرداشینام قارداشینام سؤزومو سئلدهن آلیب وئرمه یئله .
بالالار سنله قارشی دوروبدولار دامارین اوستونه سد ووروبدولار داغلارین گؤزدهن آخان قان یاشینی آزدریب باشقا یولا بوروبدولار
هانی بس داغدان آشان شلالهلر آل قانین خاطیرهسی او لالهلر هاردادی ائل گوجونون شاریلتیسی داش آتیر سوی کؤکونه سولالهلر
سلماسدان اؤتن یولون باغلادیلار سلماسین باغرینی لاپ داغلادیلار سن آخی هر کیمه مین خاطیرهسن یاسیندا خاطیرهلر آغلادیلار
چیخمادی مین گؤزه بیر داملادا یاش گؤرمه دیم کیمسه بوزه دردینه قاش قایغیسین چکدیگین ائل آغلامادی سوسوزان توپراغیندا چاتلادی داش
یازیبدی تاریخیمیز سنین آدین ائللرین داماغیندا قالیب دادین ایندیسه ایتسه دیلده آدین سانین عزیزدی خاطیریمده سنین یادین
خان کاظیم تک بیزایگید بسلهمیشیک هؤدرده کوراوغلونو سسلهمیشیک سنله من اوچ قارداشین قارداشییق هر اسن دومانلا بیز اسمهمیشیک .
دویورام سنده جیلو حمله سینی مسجیدین محرابیندا قان سسینی ایپک آد یولدا باتان دیلمانینین کؤز کیمی یاندیریجی ناله سینی .
زولاجان دردین آلیم بیرده سولان یئددی رنگ گوللریله بیرده بولان قیرگینان شلاله تک بوسدلری شان گتیر نیسگیلینده یانان قولان
نیمتاجین یاشلی گؤزو یولدا قالیر سعیدین، اودلو سؤزو سندن آلیر جعفرین قولونداکی سئل گوجونو ییغیبان یومروغونا سدده چالیر
زولاجان دردین آلیم آخ بیرده گؤروشن گلنلره باخ بیرده اؤزگورون قوشغولاری شان دیله ییر شان گتیر قویما چکه آخ بیرده
زولا : سلماسین اسکی چایلاریندان هؤدر:سلماسین کندلریندَن اوچ قارداش:سلماسین داغلاریندان ایپک یولو: اَبریشم جاده سی دیلمان: سلماسدا دپرم اَثرینده باتان بیرشهر نیمتاج سلماسی : قادین شاعیر سعید سلماسی: مشروطه قهرمانی جعفرسلماسی:المپیک قهرمانی
|
|
+ yazılıŞ
جمعه یکم مهر 1390Saat 11:10 ozgur اوزگور |
|
|
Qorxaq Adam Gundə Min kəz Ölur Qorxmayan Ömrundə bir kəz
|
|
+ yazılıŞ
پنجشنبه سی و یکم شهریور 1390Saat 16:2 ozgur اوزگور |
|
|
ilk səfhə post qutusu arŞiv unvanlar |
| vebloga görə |
|
تورک اوغلویام قئیرتلییم
من شانلییام شهرتلییم آتام تورکدو آنام تورکدو آسالتدن ثروتلییم |
| əski yazilar |
|
اردیبهشت 1391 مهر 1390 شهریور 1390 |
| Baglantilar |
|
ayriliqlar şairi özgur |
|
RSS
|